Bakı. Aqşin Rafiqoğlu - APA-Economics. "BakuBus" MMC nağdsız ödəniş sisteminə keçməyə hazırdır və bunun üçün zəruri şərait yaradılıb.
"APA-Economics"in məlumatına görə, bunu "BakuBus" MMC-nin direktorunun müavini Vüsal Kərimli bildirib.
Onun sözlərinə görə, artıq avtobuslarda və Bakı metrosunun stansiyalarında kartların oxunması üçün avadanlıq quraşdırılıb: “Sadalanan yerlərdə “Bakı Kart” terminalları quraşdırılıb. Avtobuslar xəttə buraxıldıqdan sonra, yəni iyulun əvvəlində vahid nəqliyyat kartlarına mərhələli keçid prosesi başlayacaq. Bu proses bütün “BakuBus” avtobuslarını əhatə edəcək".