Bakı – APA. “İnter” Avropa Liqasının qrup mərhələsi çərçivəsində “Qarabağ”a qarşı keçirəcəyi son oyunda heyətə düşməyən futbolçularla mübarizə aparacaq. Apasport.az saytının məlumatına görə, bunu Milan təmsilçisinin baş məşqçisi Roberto Mançini açıqlayıb.
O bildirib ki, artıq qrup birinciliyi təmin olduğundan, Bakıdakı əhəmiyyətsiz qarşılaşmada aparıcı futbolçulara istirahət verəcək: “Qarabağ”la görüşdə gənclərə güvənəcəyimi dəqiqləşdirmişəm. Əsas heyətə düşməkdə çətinlik çəkənlərə oyun praktikası qazanmaq imkanı yaradıb, özlərini göstərmək üçün şans verəcəm”.
Qeyd edək ki, Azərbaycan çempionu ilə Milan təmsilçisi arasında son turun oyunu dekabrın 11-də keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
