Bakı – APA. Azərbaycan millisi 2016-cı ildə Rio-de-Janeyroda keçiriləcək XV Yay Paralimpiya Oyunlarına 2 lisenziya qazanıb. Paralimpiya Komitəsindən apasport.az saytına verilən məlumata görə, yığmamız bu uğura ABŞ-ın Kolorado ştatının Sprinqs şəhərində keçirilən cüdo üzrə dünya çempionatının ilk günündə imza atıb.
Belə ki, komandamızın heyətində Bayram Mustafayevlə (66kq) Ramin Qasımov (73 kq) bütün rəqiblərinə qalib gələrək, qızıl medala layiq görülüblər. Bu isə onların Paralimpiadaya vəsiqə qazanmaları ilə nəticələnib.
Onlardan fərqli, Səbinə Abdullayeva bu şansı son anda əldən verib. 57 kq çəki dərəcəsində qüvvəsini sınayan cüdoçumuz finalda uduzduğundan lisenziyaya sahib ola bilməyib və gümüş medalla kifayətlənib.
Qeyd edək ki, mundiala Azərbaycan 12 cüdoçu ilə yollanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
