Rusiyanın bütün Atom Elektrik Stansiyalarında gücləndirilmiş təhlükəsizlik rejimi tətbiq edilib

Rusiyanın bütün Atom Elektrik Stansiyalarında gücləndirilmiş təhlükəsizlik rejimi tətbiq edilib
# 18 noyabr 2015 00:53 (UTC +04:00)

Bakı-APA. Rusiyada fəaliyyət göstərən bütün Atom Elektrik Stansiyalarında gücləndirilmiş təhlükəsizlik rejimi tətbiq edib. APA-nın “RİA Novosti”yə istinadən verdiyi xəbərə görə, bu barədə “Rosenerqoatom” konserninin mətbuat xidməti məlumat yayıb.

“Antiterror təhlükəsizlik tədbirlərinin gücləndirilməsi üzrə tədbirlər çərçivəsində Rusiyanın bütün Atom Elektrik Stansiyalarında (“Rosenerqoatom konserni” ASC-nin filialları) gücləndirilmiş təhlükəsizlik rejimi tətbiq edilib. Bununla bağlı AES-lərin təhlükəsizlik xidmətləri və obyektlərin mühafizəsinə cəlb olunmuş təşkilatlar gücləndirilmiş xidmət rejiminə keçib”, deyə məlumatda bildirilir.

Konsern qeyd edib ki, gücləndirilmiş rejimin tətbiqi zamanı AES-lərin mühafizəsinə güc strukturlarının və asayişi təmin edən xidmətlərin əlavə qüvvələri cəlb olunur.

Qeyd edək ki, Rusiya prezidenti Vladimir Putin bundan əvvəl güc strukturlarına daxili təhlükəsizliyin gücləndirilməsinə dair göstərişlər verib.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR