Bakı-APA. Moskva məhkəməsi keçən il yanvarın 16-da qətlə yetirilən məşhur kriminal avtoritet “Ded Xasan” ləqəbli Aslan Usoyanın qardaşı oğlu Yuri Usoyan həbs edib.
APA-nın “RİA Novosti”yə istinadən verdiyi xəbərə görə, Yuri Usoyan narkotik maddələrin qanunsuz dövriyyəsində şübhəli bilinərək 2 ay müddətinə həbs olunub. O, oktyabrın 7-də Moskvanın mərkəzindəki restoranlardan birində “qanuni oğrular”ın toplantısının qarşısı alınarkən saxlanılıb. Əməliyyat zamanı 20-dək kriminal avtoritet saxlanılıb.