Ucar. Zahid Abışov - APA. Ucar və Zərdab rayonlarına təbii qazın verilişində fasilə yaranıb.
Ucar rayon Qaz İstismar sahəsinin baş mühəndisi Vüqar Zamanovun APA-nın yerli bürosuna verdiyi məlumata görə, bu gün səhər saat 09:00 radələrində Ucar və Zərdab rayonunun qazla təmin olunan bütün yaşayış məntəqələrinə təbii qazın verilişi dayandırılıb. Buna səbəb qazpaylayıcı stansiyaların yenidən qurulmasıdır.
V.Zamanov axşam saat 16:00-a kimi yenidənqurma işlərinin başa çatacağını və bundan sonra abonentlər fasiləsiz olaraq qazla təmin olunacağını bildirib.
Qeyd edək ki, təkcə bu il ərzində Ucar və Zərdab rayonlarında təbii qazın verilişində ikinci dəfədir fasilə yaranıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
