Bakı – APA. Ukrayna prezidenti Viktor Yanukoviç müxalif UDAR partiyasının lideri Vitali Kliçko ilə teledebatlara çıxmağa hazırdır.
APA-nın məlumatına görə, bunu “RBK-Ukraina” agentliyinə Ukrayna prezidentinin mətbuat xidmətinin rəhbəri Andrey Lısenko deyib.
O bildirib ki, debatlar ümumrespublika telekanallarından birində keçiriləcək.
A.Lısenko onu da əlavə edib ki, Yanukoviç-Kliçko debatlarını müvafiq təkliflə çıxış edəcək istənilən dövlət yaxud da özəl telekanallar yayımlaya bilər.