Bakı. Fuad Cəfərov - APA. “Yeni Avropa” adlı qəzetin bir neçə gün əvvəl dələduzluq maddəsi üzrə saxlanılan təsisçisi və baş redaktoru Yusif Osmanlı sərbəst buraxılıb. Bu barədə APA-ya Yusif Osmanlı özü məlumat verib.
Y. Osmanlı bu gün sərbəst buraxıldığını deyib: ”Mənim tutulmağımda anlaşılmazlıq olmuşdu. Bu gün hər şey aydınlaşdı və mən sərbəst buraxıldım.”
Qeyd edək ki, Y. Osmanlı martın 19-u Nəsimi Rayon Polis İdarəsinin əməkdaşları tərəfindən tutulub.
Nəsimi Rayon Polis İdarəsindən bildirilib ki, Y. Osmanlı bir neçə vətəndaşa qarşı dələduzluq etdiyinə görə, bir müddət əvvəl axtarışa verilibmiş.
APA-nın əldə etdiyi məlumata görə, Y. Osmanlı “Yeni Avropa” qəzetinin təsisçi və baş redaktorudur.