Bakı. Real Cəfərli - APA. Ötən gecə İranın Əlborz vilayətində zəncirvari qəza baş verib.
APA-nın İRNA-ya istinadən verdiyi məlumata görə, hadisə Kərəc-Qəzvin magistralında, Savucbulaq rayonu yaxınlığında baş verib.
Belə ki, 15 avtomobil toqquşub. Hadisəyə içərisində benzin olan tanker səbəb olub. Nəticədə 1 nəfər hadisə yerində ölüb, 43 nəfər xəsarət alıb.
Xəsarət alanlar Əlborz vilayətinin xəstəxanalarına yerləşdiriliblər.
Tankerdəki benzinin dağılması isə yolun bağlanmasına səbəb olub.