Bakı-APA. Ukraynanın Ali Radası tərəfindən ölkənin baş naziri təyin olunan Arseni Yasenyuk bəyan edib ki, yeni hakimiyyət Moskva ilə dialoqun bərpası yollarının axtarışındadır.
“Ukrayna Rusiya Federasiyası ilə yeni ünsiyyət tərzinin qurulmasına hazırdır. Bu yeni ünsiyyət tərzinin mahiyyəti ondan ibarətdir ki, Rusiya Ukraynanın xarici siyasət kursunun seçimi ilə bağlı suveren hüququna hörmətlə yanaşmalıdır və seçim məlumdur – avropalı tərəfdaşlarımızla Assosiasiya sazişinin imzalanması”. APA-nın “RİA Novosti”yə istinadən verdiyi xəbərə görə, bunu Arseni Yasenyuk ötən gün keçirilən brifinqdə bildirib.
Onun sözlərinə görə, iki hökumət səviyyəsində ilk təmaslar artıq yaradılıb. “Hələlik onlar çox zəif keçirilir, lakin ilk addımlar artıq atılıb”, deyə o vurğulayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
