Bakı-APA. Pakistanın Peşəvər şəhərində kinoteatrda törədilmiş bir neçə partlayış nəticəsində 11 nəfər ölüb, 18 nəfər yaralanıb. APA-nın CNN telekanalına istinadən verdiyi xəbərə görə, yaralılardan 2 nəfərin vəziyyəti kritikdir.
Məlumata görə, partlayışlardan biri Shama Cinema kinoteatrının içərisində, ikisi isə binanın qarşısında törədilib. Terrorçuların əl qumbaralarından istifadə etdiyi bildirilir.
Yerli KİV-lərin məlumatına görə, qeyd olunan kinoteatrda pornoqrafik filmlər nümayiş olunduğundan obyektin rəhbərliyinə dəfələrlə təhdid edilib.
Partlayışa görə məsuliyyəti hələlik heç bir terror təşkilatı öz üzərinə götürməyib.