İmişli Rayon Polis İdarəsindən APA-ya verilən məlumata görə, hadisə oktyabrın 28-də İmişli rayonu Hacırüstəmli kəndi ərazisində qeydə alınıb.
Cəbrayıl rayon sakini Fəqan Atakişiyev idarə etdiyi “VAZ-2106” markalı avtomaşını Əzizbəyov adına kanalının üzərindəki körpüdən kanala aşırıb. Nəticədə avtomobildən çıxa bilməyən sürücü boğularaq ölüb. F. Atakişiyevin meyiti sudan çıxarılıb.
Faktla bağlı cinayət işi başlanıb, araşdırma aparılır.