Bakı. Şamil Əlibəyli - APA. Bu gün Azərbaycan Respublikasının Prezidenti yanında Strateji Araşdırmalar Mərkəzi (SAM) «Azərbaycan və Belarus arasında ikitərəfli münasibətlər» mövzusunda dəyirmi masa keçirib.
APA-nın məlumatına görə, tədbirdə SAM-ın direktoru Fərhad Məmmədov və Belarus Respublikasının Prezident Administrasiyası yanında Məlumat-Analitik Mərkəzinin (MAM) direktoru Aleksandr Bazanov giriş nitqi ilə çıxış ediblər.
Tədbirdə Milli Məclisin deputatı, Azərbaycan-Belarus parlamentlərarası əlaqələr üzrə işçi qrupunun rəhbəri, İqtisadi siyasət komitəsinin sədri Ziyad Səmədzadə, Belarus Respublikasının Prezidentinin Administrasiyası yanında Məlumat-Analitik Mərkəzinin (MAM) direktor müavini Aleksey Matsevilo və MAM Konsultativ Şurasının eksperti Sergey Kizima məruzə ediblər.
Tədbirdə Belarus və Azərbaycan arasında ikitərəfli münasibətlərin formalaşması və inkişaf mərhələləri, eləcə də Ermənistan-Azərbaycan, Dağlıq Qarabağ münaqişəsi və onun həlli yolları, Azərbaycanın Cənubi Qafqazda apardığı siyasət və s. mövzuları müzakirə olunub.
Sonda SAM və MAM arasında Anlaşma Memorandumu imzalanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
