Hərbi hissənin ərazisindən içərisi əl-qolu bağlı ukraynalı dəniz piyadalarının olduğu 3 Ural avtomobili çıxıb.
APA-nın UNİAN-a istinadən verdiyi məlumata görə, səhər saatlarından başlayaraq taborun yerləşdiyi ərazidən atəş səsləri eşidilib, hərbi hissənin üzərində vertolyotlar dövrə vurub.
“Mənbələr bildirir ki, hücum Mi-24 və Mi-8 vertolyotları, BTR-lərlə aparılıb”, - deyə Ukrayna Müdafiə Nazirliyinin Krım media mərkəzinin rəhbəri Vladislav Seleznyov “Facebook” səhifəsində yazıb.
V. Seleznyov qeyd edib ki, hərbi hissə mühasirəyə alınıb, hissəyə gedən yol 2 BTR və 20-dək əsgər tərəfindən nəzarətə götürülüb, kazarma binasında güclü tüstü müşahidə olunur.