Bakı. Real Cəfərli - APA. Azərbaycanın xalq artisti Alim Qasımovun İranda diskləri çıxıb.
APA-nın verdiyi məlumata görə, bu barədə A.Qasımovun dostu, təbrizli şair Xosrov Sərtpi öz “facebook” səhifəsində yazıb.
Disklərə A.Qasımovun 2000-2004-cü illərdə Təbrizdə verdiyi konsertlər, eyni zamanda bu il mayın 13-də Tehran Beynəlxalq Sərgi Mərkəzinin “Milad” salonunda verdiyi konsertdən bir səhnə daxil edilib. Belə ki, 2000-ci il konserti iki ədəd CD, 2004-cü il konserti isə bir ədəd DVD formatında buraxılıb.
Disklərə “Morğ-e Səhər” adı verilib və Tehranın “Avaye Barbad” Mədəniyyət və İncəsənət Müəssisəsinin təşkilatçılığı ilə satışa çıxarılıb.