Bakı. Real Cəfərli - APA. İsrailin baş naziri bir daha İranın nüvə proqramından narahatlığını ifadə edib.
APA-nın “Radiofərda”ya istinadən verdiyi məlumata görə, Benyamin Netanyahu bildirib ki, İranın nüvə fəaliyyətləri dünya üçün açıq-aşkar təhlükədir: “Ona görə də rəsmi Tehrana nüvə silahına sahib olmasına icazə verilməməlidir. Hazırda Şimali Koreyanın nüvə silahını, ballistik raketləri inkişaf etdirməsinin dünya üçün açıq-aşkar təhlükə olduğunu görmək mümkündür. Mən İran haqda da bu fikrimi səmimi qəlbdən təkrar edirəm. Bu fikir İranın nüvə proqramının statusunu aydın şəkildə ortaya çıxarır”.