Bakı. Aynur Əliyeva - APA-Economics. “Azərbaycana 21 növ kartof toxumu gətirilib. Onların yetişdirilməsi və Azərbaycan mühitinə uyğun kartof növlərinin artırılıb çoxaldılması nəzərdə tutulub”.
“APA-Economics”in xəbərinə görə, bunu kənd təsərrüfatı nazirinin müavini İlham Quliyev deyib.
Nazir müavini qeyd edib ki, Azərbaycan BMT-nin Ərzaq və Kənd Təsərrüfatı Təşkilatı (FAO) ilə kartofçuluğun inkişafı, sertifikatlaşdırması və digər məsələləri nəzərdə tutan müqavilə imzalayıb.