Bakı – APA. Bu gün AFFA ilə “Atena” Süd Məhsulları Şirkəti arasında əməkdaşlıq haqda müqavilə imzalanıb. Apasport.az saytının məlumatına görə, anlaşmaya əsasən süd məhsulları istehsalçısı U-12 Liqasının sponsoru olacaq. Rəsmi imzalama mərasimində AFFA-nın baş katibi Elxan Məmmədov da iştirak edib.
İlk dəfə keçiriləcək yarışın adı sponsorun adı ilə bağlı olacaq. Belə ki, 2013/14 mövsümündən startı veriləcək turnir “Atena U-12 Liqası” adlanacaq.
U-12 Liqasının yaradılmasına bu il avqustun 14-də keçirilən AFFA-nın İcraiyyə Komitəsinin iclası qərar vermişdi.
“Atena U-12 Liqası”nın formatı da bəlli olub. 12 rayonda keçiriləcək çempionatda 81 komanda iştirak edəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
