APA-nın Qarabağ bürosunun xəbərinə görə, Goranboyda mənzilində xeyli miqdarda narkotik vasitə olan tiryək aşkar edilən rayon sakini Qulu Mehdiyev Goranboy Rayon Polis Şöbəsi əməkdaşları tərəfindən saxlanılıb.
Xatırladaq ki, əməliyyatçılar Goranboyun Qarqucaq kənd sakini Q. Mehdiyevin evinə baxış keçirərkən oradan 12 kiloqram tiryək və müxtəlif tərkibli dərman preparatları aşkar edilərək götürsələr də, ev sahibini yaxalamaq mümkün olmamışdı. Onun hadisə yerindən qaçdığı bildirilib.
Q. Mehdiyevin tutularaq istintaqa cəlb edilməsi üçün əməliyyat-axtarış tədbirləri görülürdü.