Dünyanın tanınmış kardiocərrahları İstanbulda toplaşır
05 iyun 2012 08:30 (UTC +04:00)
Bakı – APA. İyunun 7-10-da İstanbulda dünya şöhrətli alim, professor Sir Maqdi Yakubun şərəfinə kardiologiya və ürək-damar cərrahiyyəsi üzrə elmi-praktiki konfrans keçiriləcək. APA-nın xəbərinə görə, konfrans kardiologiya və ürək-damar cərrahiyyəsi sahəsində çalışan mütəxəssislərin elmin son yenilikləri ilə tanış olmasına, transplantasiya sahəsində əldə olunmuş nailiyyətlər ətrafında fikir mübadiləsi aparmalarına şərait yaradacaq.
Türkiyə Ürək xəstəlikləri və ürək-damar transplantasiyası fondunun təşkilatçılığı ilə keçirilən konfransda dünyanın müxtəlif ölkələrindən kardioloq və kardio-cərrahlar iştirak edəcək. Konfransın Təşkilat Komitəsinin üzvləri və əsas çıxışçıları kardiologiya və ürək-damar cərrahiyyəsinin dünya şöhrətli mütəxəssislərindən seçilib. Onların arasında Mərkəzi Klinik Xəstəxananın baş həkimi, Azərbaycan Ürək və Damar Cərrahiyyəsi Cəmiyyətinin sədri, tibb elmləri namizədi Dr. Kamran Musayev də yer alıb.
Türkiyə Ürək xəstəlikləri və ürək-damar transplantasiyası fondunun təşkilatçılığı ilə keçirilən konfransda dünyanın müxtəlif ölkələrindən kardioloq və kardio-cərrahlar iştirak edəcək. Konfransın Təşkilat Komitəsinin üzvləri və əsas çıxışçıları kardiologiya və ürək-damar cərrahiyyəsinin dünya şöhrətli mütəxəssislərindən seçilib. Onların arasında Mərkəzi Klinik Xəstəxananın baş həkimi, Azərbaycan Ürək və Damar Cərrahiyyəsi Cəmiyyətinin sədri, tibb elmləri namizədi Dr. Kamran Musayev də yer alıb.