Maliyyə

Ana səhifə

Maliyyə

«Atəşgah Sığorta» 80 min manatıq birdəfəlik sığorta ödənişi edib

15 fevral 2012 10:54 (UTC +04:00)

Bakı. Elnur Hüseynquluyev - APA-Economics. Azərbaycanın «Atəşgah Sığorta» şirkəti «Fərdi qəza sığortası» növü üzrə iri sığorta ödənişi həyata keçirib.

Şirkətin baş ofisindən «APA-Economics»ə verilən məlumata görə, sığorta ödənişinin məbləği 80 min manat təşkil edib və «Atəşgah»da sığortalanan şəxsin bədbəxt hadisə nəticəsində vəfatından sonra onun ailəsinə (həyat yoldaşı və övladlarına) təqdim edilib.

Xatırladaq ki, «Fərdi qəza sığortası» növü ilə yanaşı, «Atəşgah Sığorta» qrupu müştərilərinə «istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta» xidmətini də təklif edir. Bu sığorta xidməti sığortaolunanın iş qrafiki ilə məhdudlaşır və iş yerində baş verən bədbəxt hadisələr nəticəsində əmək qabiliyyətinin itirilməsi, əlillik və ölüm kimi riskləri əhatə edir.

Qeyd edək ki, «Atəşgah Sığorta» şirkəti 1996-cı ilin sonunda təsis edilib. Şirkətin ölkə üzrə 10 regional ofisi (Sumqayıt, Gəncə, Salyan, Lənkəran, Xaçmaz, Mingəçevir, Şəki, İmişli, İsmayıllı və Bərdə) fəaliyyət göstərir.