Hadisə

Ana səhifə

Hadisə

Bakıda saxlanılan AXCP üzvləri sərbəst buraxılıblar

10 fevral 2012 13:33 (UTC +04:00)

Bakı. Şəhriyar Əlizadə - APA. Bu gün Bakının Fəvvarələr Meydanında aksiya keçirməyə cəhd edərkən polis əməkdaşları tərəfindən saxlanılan 3 nəfər şəxs sərbəst buraxılıb.
Səbail rayon Polis İdarəsinin 9-cu Polis Bölməsindən APA-ya verilən xəbərə görə, onlar saxlanılan zaman üzərilərində şəxsiyyəti təsdiq edən hər hansı bir sənəd olmadığından Polis Bölməsinə dəvət olunublar. Polis Bölməsində isə şəxsiyyətləri müəyyən olunduqdan sonra sərbəst buraxılıblar.

Qeyd edək ki, Azərbaycan Xalq Cəbhəsi Partiyasının (AXCP) üzvləri Aqil Əliyev, Toğrul İbrahimov və İslam Şıxəliyevdir hazırda həbsdə olan partiya üzvü Elnur Məcidliyə kitab toplamaq adı altında aksiya keçirmək istəyərkən saxlanılıblar.

Onu da qeyd edək ki, E. Məcidli ötən il aprelin 2-də İctimai Palatanın Bakının mərkəzində keçirdiyi aksiya zamanı saxlanılıb.

AXCP