Maliyyə

Ana səhifə

Maliyyə

Azərbaycanda nağdsız əməliyyatlar vergidən azad oluna bilər

18 aprel 2012 10:23 (UTC +04:00)

Bakı. Əli Əhmədov - APA-Economics. Azərbaycanda nağdsız ödənişlərin genişləndirilməsi üçün Vergi Məcəlləsinə dəyişikliklər müzakirə olunur və bu dəyişikliklərlə bağlı təkliflərin layihəsi Nazirlər Kabinetinə təqdim olunma ərəfəsindədir. «APA-Economics»in məlumatına görə, bunu Vergilər Nazirliyi İqtisadi təhlil və sahibkarlıq subyektlərinin dövlət qeydiyyatı Baş İdarəsinin rəisi Natiq Şirinov bildirib.

Onun sözlərinə görə, məcəlləyə təklif olunan dəyişikliklərdə nağdsız hesablaşmaların artırılması üçün bu sahədə stimullaşdırıcı tədbirlər, o cümlədən bəzi vergi növləri üzrə güzəştlərin tətbiqi nəzərdə tutulur: «Məsələn, nağdsız ödənişlərə üstünlük verən obyektlərdə nağdsız dövriyyənin vergidən azad olunmasından söhbət gedir».

Bununla belə, Nazirlik nümayəndəsi müzakirələrin hələ davam etdiyini söyləyib: «Hələlik bununla bağlı dəqiq söz demək tezdir. Bu məsələlər hökumətdə müzakirə olunmalıdır. Bunlar tam çözüləndən və müvafiq beynəlxalq təcrübə öyrəniləndən sonra məsələyə baxılacaq».