Bakı. Məlahət Nəcəfova - APA. "Azərbaycanın "Eurovision" Milli Təşkilat Komitəsi ilə əlaqələndirilmiş şəkildə hazırda bu məsələ araşdırılır”.
Bu sözləri APA-ya açıqlamasında Azərbaycan Xarici İşlər Nazirliyinin mətbuat katibi Hikmət Hacıyev ötən gün “Eurovision” mahnı müsabiqəsinin birinci yarımfinal mərhələsində ermənistanlı iştirakçının Dağlıq Qarabağdakı separatçı rejimin bayrağını qaldırmasına münasibət bildirərkən deyib. O bildirib ki, Azərbaycanın mövqeyi “Eurovision” təşkilat komitəsinə çatdırılacaq: “Ermənistanın bu tip təxribatçı addımları qəbuledilməzdir. Ermənistan “Eurovision” mahnı müsabiqəsinin yaratdığı platformadan Azərbaycanın işğal olunmuş ərazilərində işğal, təcavüz və qanlı etnik təmizləmə nəticəsində yaradılmış qondarma rejimin təşviqi məqsədilə istifadə etməyə çalışıb. Belə bir təxribatçı addımın atılması “Eurovision” müsabiqəsinin təməl prinsiplərinə, onun ideyalarına tamamilə zidd xarakter daşıyır”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
