Bakı - APA. Bu gün Türkiyədə Fətullahçı Terror Təşkilatı (FETÖ) ilə bağlı aparılan istintaq çərçivəsində sabiq millət vəkili və futbolçu Hakan Şükür haqqında daha bir həbs qərarı verilib.
APA-nın Türkiyə mətbuatına istinadən verdiyi məlumata görə, İstanbul Terror və Terror Təşkilatı Cinayətləri Prokurorluğu silahlı terror təşkilatına üzv olmaqda şübhəli sayılan H. Şükürün ifadəsinin alınması üçün belə bir qərar çıxarıb.
Qeyd edək ki, bundan əvvəl Sakarya Baş Prokurorluğu Fətullahçı Terror Təşkilatı (FETÖ) ilə bağlı aparılan istintaq çərçivəsində H. Şükürün həbs edilməsi barədə qərar verib. O, terror təşkilatına maliyyə yardımı göstərməkdə ittiham olunur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
