Bakı – APA. Ukrayna ilə Rumıniya NATO rəhbərliyi altında Qara dənizdə hərbi donanmasının yaradılması imkanlarını nəzərdən keçirir.
APA-nın UNİAN-a istinadən verdiyi məlumata görə, bunu Buxarestdə Ukrayna prezidenti Pyotr Poroşenko rumıniyalı həmkarı Klaus Yohannislə birgə keçirdiyi brifinqdə bəyan edib.
O bildirib ki, məqsəd Qara dənizdə NATO mövcudluğunun gücləndirilməsi və təhlükəsizliyin möhkəmləndirilməsidir. Poroşenkonun sözlərinə görə, alyans bu təşəbbüsü təsdiqlədikdən sonra Ukrayna ona məmnuniyyətlə qoşulacaq.