Bakı. Musa Əhmədov – APA-Economics. Bu ilin sentyabrın 14-də Azərbaycan Banklar Assosiasiyası (ABA) və Beynəlxalq Maliyyə Korporasiyasının (IFC) birgə təşkilatçılığı ilə “Azərbaycanda Maliyyə İnfrastrukturunun Təkmilləşdirilməsi üzrə Məsləhət Xidmətləri Layihəsi” çərçivəsində “Daşınar əmlakın yüklülüyü islahatı” adlı konfrans keçiriləcək.
ABA-dan “APA-Economics”ə verilən məlumata görə, konfransda daşınar əmlakın yüklülüyü əsasında maliyyələşmə (təminatlı əqdlər) sahəsində islahata olan zərurət, hazırlanmış qanun layihəsinin vacib müddəaları, uğurlu xarici təcrübənin ölkəmizdə tətbiqi barədə təqdimatlar nümayiş etdiriləcək.
Qeyd edək ki, daşınar əmlakın girov kimi göstərilməsi sonda orta və kiçik sahibkarlara kreditin verilməsini rahatlaşdıracaq, ödəmə qabiliyyəti olan amma girov qismində daşınmaz əmlaka sahib olmayan şəxslər üçün yeni imkanlar yaradacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
