Bakı-APA. İŞİD terror təşkilatı Iraqda nəzarəti altında saxladığı ərazinin 45%-ni itirib.
APA-nın “İnterfaks” agentliyinə istinadən verdiyi məlumata görə, bunu Pentaqonun rəsmi nümayəndəsi Piter Kuk bəyan edib.
“İraqda terrorçular nəzarəti altında saxladıqları ərazinin 45%-ni, Suriyada isə təxminən 16-20%-ni itiriblər”, deyə P.Kuk bildirib.
Xatırladaq ki, 2014-cü ildə İŞİD silahlıları İraq ərazilərinin 1/3 hissəsini, o cümlədən Mosul şəhərini ələ keçirmişdilər.