Bakı. Hafiz Heydərov - APA. Bakıda mənzildən oğurluq olub.
Binəqədi rayon Polis İdarəsindən APA-ya verilən məlumata görə, hadisə Sulutəpə qəsəbəsi, R. Allahverdiyev küçəsində qeydə alınıb.
Həmin ünvanda yaşayan, 1978-ci il təvəllüdlü Elnarə Novruz qızı İmamverdiyeva yaşadığı evə dəmir barmaqlıqları sındırmaq yolu ilə daxil olan naməlum şəxs və ya şəxslər mənzildən 15 min manat aparıblar.
Hazırda polis hadisəni törədən şəxs və ya şəxslərin müəyyən edilərək tutulması istiqamətində axtarış tədbirlərini davam etdirir.