Bakı – APA. Türkiyənin Samsun şəhərində keçirilən parataekvondo üzrə dünya çempionatı başa çatıb. Taekvondo Federasiyasından apasport.az saytına verilən məlumata görə, sayca 6-cı dəfə təşkil olunan mundiala 10 idmançı ilə qatılan Azərbaycan millisi 8 medal qazanıb.
Yaşar Doğu Spor Salonunda baş tutan yarışda Nicat Müslümov (75 kq, K-42), Aleksandr Polişuk (+75 kq, K-42 ) və Aynur Dadaşova (+58 kq, K-44) bütün rəqiblərinə qalib gələrək, fəxri kürsünün ən yüksək pilləsinə qalxıblar.
75 kq çəki dərəcəsində mübarizə aparan Xəzər İsayev (K-43) yalnız finalda uduzaraq, gümüş medalla kifayətlənib. Əvəz Tağıyevin digər yetirmələrindən Röyalə Fətəliyeva (49 kq, K-44), Əbülfəz Abuzərli (75 kq, K-44 kq), Vüqar Adışirinov (+75 kq, K-44) və Namiq Abbasov (61 kq, K-43) isə bürünc medalla kifayətləniblər.
Beləliklə, 3 qızıl, 1 gümüş və 4 bürünc medal qazanan yığmamız kişi komandaları arasında Rusiyadan sonra ikinci, qadın millimiz Rusiya və Türkiyənin ardından üçüncü pillədə qərarlaşıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
