Bakı. Yeganə Laçınzadə - APA-Economics. İcbari Sığorta Bürosu (İSB) tərəfindən növbəti kompensasiya ödənişi həyata keçirilib.
İSB-dən “APA-Economics”ə verilən məlumata görə, 2013-cü ilin noyabrın 29-da Bakı-Qazax-Gürcüstan sərhədi yolunun 61-ci kilometrində baş vermiş yol-nəqliyyat hadisəsi nəticəsində üç ailə üzvünün vəfat etməsi ilə əlaqədar Azərbaycan vətəndaşına 11 000 manat məbləğində kompensasiya ödənişi verilib.
Qeyd edək ki, kompensasiya ödənişi poçt vasitəsi ilə martın 18-də köçürülüb.