Tiflis. Nizami Məmmədzadə-APA. Gürcüstan paytaxtında bazar yanıb.
APA - nın Gürcüstan bürosunun məlumatına görə, yanğın səhər saatlarında baş verib.
Tiflis Fövqəladə Hallar Departamentinin rəhbəri Temur Georqadze APA - ya açıqlamasında bildirib ki, mərkəzi vağzala yaxın ərazidə yerləşən "Qaraçı bazarı"nda 2,5 min kv. m-lik sahə yanıb.
"Yanğın zamanı bir nəfər yüngül xəsarət alıb, ona hadisə yerində tibbi yardım göstərilib. Hadisə nəticəsində bazarda ticarətlə məşğul olan şəxslərə böyük miqdarda ziyan dəyib", - deyə o vurğulayıb.
T. Georqadzenin sözlərinə görə, bazarda müxtəlif millətlərin nümayəndələri, o cümlədən azərbaycanlılar ticarətlə məşğul olurlar.
Artıq yanğının söndürüldüyü bildirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
