Bakı. Aqşin Rafiqoğlu - APA-Economics. Bakı-Tbilisi-Ceyhan boru kəməri fəaliyyətə başlayan gündən bu günə qədər 407 mln. ton nəql olunub.
"APA-Economics" xəbər verir ki, bunu bu gün keçirilən "Xəzər və Mərkəzi Asiya: Ticarət, logistika, neft emalı və neft-kimya" beynəlxalq praktiki konfransda çıxışı zamanı SOCAR-ın birinci vitse-prezidenti Xoşbəxt Yusifzadə bildirib.
X. Yusifzadə deyib ki, bunun 299 mln. tonu Azərbaycan neftinin payına düşür.
"Ümumiyyətlə Bakı-Supsa boru kəməri fəaliyyətə başlayandan bu günə qədər 76 mln. ton neft nəql olunub, Bakı-Novorossiysk kəməri isə bu günə qədər ümumiyyətlə 11 mln. ton neft nəql olunub. Bu günə qədər dəmir yolları vasitəsilə 21 mln. ton neft xarici ölkələrə göndərilib", - deyə vitse-prezident qeyd edib.