Bakı. Aqşin Rafiqoğlu - APA-Economics. "Türkiyənin yeni baş naziri Binəli Yıldırım hələ nazir vəzifəsini tutduğu dönəmdə Azərbaycanla birgə həyata keçirilən layihələrə olduqca böyük dəstək verib".
"APA-Economics" xəbər verir ki, bunu Xəzər Strateji İnstitutunun (HASEN) İdarə Heyətinin sədri, "SOCAR Turkey Energy" şirkətinin sabiq baş direktoru Kənan Yavuz deyib.
"Nazir işlədiyi vaxtlarda Binəli Yıldırımın SOCAR-la birgə həyata keçirilən layihələrə verdiyi dəstəyə yaxından şahidlik etmişəm. Ümumiyyətlə, onun Azərbaycanla Türkiyənin birgə reallaşdırdığı layihələrdə əməyi böyükdür. İnanıram ki, Binəli Yıldırım baş nazir olduğu müddətdə də qardaşlığa söykənən Türkiyə-Azərbaycan münasibətləri inkişaf edəcək, strateji əməkdaşlıq davam edəcək", - deyə K. Yavuz qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
