Bakı. Yeganə Laçınzadə - APA-Economics. Büdcə kəsiri ilə əlaqədar BP neft strategiyasına yenidən baxıb. "APA-Economics" xəbər verir ki, bu barədə "Reuters" agentliyi məlumat verir.
Bildirilir ki, bu gün BP öz əməliyyatlarını 5 əsas region üzrə cəmləşdirib. Bunlar Anqola, Azərbaycan, Misir, Meksika körfəzi və Şimal dənizidir.
Agentliyin verdiyi məlumata görə, BP-nin geoloji kəşfiyyat üzrə rəhbəri Riçard Herbertin vəzifəsini qəfil tərk etməsi şirkətin strategiyasını dəyişməsinə səbəb olub. Bundan sonra şirkət əsas diqqəti mövcud yataqların daha da genişləndirilməsinə yönəldəcək.