Bakı-APA. Sabirabad rayonu, Yolçubəyli kəndində (rayon mərkəzindən 18 km aralı) vətəndaşa məxsus ev yanıb.
APA-nın Fövqəladə Hallar Nazirliyinin saytına istinadən verdiyi məlumata görə, ümumi sahəsi 200 kv.m olan kürsülü 3 otaqlı evin qamışdan ibarət tavanı 130 kv.m sahədə yanıb.
Evin qalan hissəsi və yaxınlıqdakı tikililər yanğından mühafizə olunub. Yanğın saat 07:35-də yanğınsöndürənlər tərəfindən söndürülüb.