Bakı-APA. Boliviyada ildırım 5 nəfəri vuraraq öldürüb.
APA-nın RİA Novosti agentliyinə istinadən verdiyi xəbərə görə, insident San-Lorenso şəhəri yaxınlığında baş verib.
Məlumata görə, ildırım güclü leysandan gizlənməyə çalışan bir qrup insanın olduğu tikiliyə düşüb.
Hadisə nəticəsində ikisi yeniyetmə olmaqla 5 nəfər ölüb, 1 nəfər xəsarət alıb. Xəstəxanaya çatdırılan şəxsin həyatına təhlükə olmadığı bildirilir.