“InvestAZ” investisiya şirkətinin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
OIL
Dünya əmtəə birjalarında neftə olan tələbat getdikcə artır.
Son bir həftədir dünya maliyyə gündəmini təşkil edən məlumatlardan biri neft qiymətlərinin bahalaşmasıdır. Dünyada neftə olan tələbatın artması ilə Avropanın Brent markalı neftinin bir barel qiyməti 6%-dən çox bahalaşmışdır. Hal-hazırda 48 dollara ticarət edilən Brent markalı neftin bir barel qiyməti gələcək qısa müddət ərzində 50 dollara kimi bahalaşa bilər.
GOLD
Son bir həftə ərzində neft və dollar qiymətlərinin bahalaşması, qızıla olan tələbatı azaltsa da, InvestAZ analitiklərinin fikrincə, bu, müvəqqəti xarakter daşıyır və qiymətlər yenidən 1400 dollara (44 $/q) kimi bahalaşa bilər.
USD
İlin əvvəlindən etibarən FED-in faiz dərəcələrini artıra bilməməsi, dünya birjalarında dolların ucuzlaşmasına səbəb olurdusa, bu, may ayının əvvəlindən etibarən dəyişməyə başladı. Belə ki, ABŞ iqtisadiyyatı ətrafında gözləntilərin yaxşılaşması ilə dollar yenidən bahalaşmağa başladı.
EUR
Avro son bir neçə aydır investorlarına 8%-dən çox gəlir qazandırmışdır və analitiklərin fikrincə, qiymətlər daha da bahalaşa bilər. Son iki həftədir dolların bahalaşması fonunda avronun ucuzlaşdığının şahidi olsaq da, bu, korrektiv xarakter daşıyır və korreksiya 1.1196 dollara kimi davam edə bilər.
GBP
Böyük Britaniya maliyyə bazarlarında isə funtun may ayının əvvəlindən etibarən yenidən ucuzlaşmağa başladığının şahidi oluruq. Dolların bahalaşmaqda davam etməsi və BREXİT risklərinin artması ilə funtun qiyməti 1.4190 dollara kimi, 1.3% ucuzlaşa bilər.
TRY
Türkiyədə isə siyasi risklərin artması türk lirəsinin son 10 gün ərzində 2.80-dən 2.97-ə kimi 6% ucuzlaşmasına səbəb olmuşdur (USD/TRY bahalaşmışdır). Lakin dünya birjalarında 2.95 lirəyə təklif edilən USD/TRY cütlüyü 3.00 lirə altında qaldıqca, yenidən 2.63 lirəyə kimi ucuzlaşa bilər (lirənin bahalaşması).
İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.
“İnvest-AZ İnvestisiya Şirkəti” QSC-nin
Analitika Departamenti
“İnvest-AZ İnvestisiya Şirkəti” QSC İqtisadiyyat və Sənaye Nazirliyinin 09.01.2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və sair investisiya xidmətləri üzrə fəaliyyət göstərməkdədir.
_________________________________________________________________________________
Risk bildirişi:
Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” QSC yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
