Bakı. Yeganə Laçınzadə - APA-Economics. “Aqrolizinq” ASC tərəfindən 2016-cı ilin yanvar-mart ayları ərzində 400 ədəd kənd təsərrüfatı texnikası güzəştli lizinq şərti ilə 279 hüquqi və fiziki şəxslərə verilib. Bu barədə “APA-Economics”ə Kənd Təsərrüfatı Nazirliyindən məlumat verilib.
Məlumata əsasən, lizinqlə verilən texnikanın 19-u taxılyığan kombayn, 176-nı traktor, 2-ni ekskavator, 203-ü isə digər texnikalar təşkil edib.
Qeyd edək ki, 2005-ci ildən 2016-cı ilin I rübünədək ümumilikdə 18 490 kənd təsərrüfatı texnikası güzəştli lizinq şərti ilə hüquqi və fiziki şəxslərə verilib. Belə ki, hesabat dövründə 742 taxılyığan kombayn, 6 481 traktor, 132 ekskavator, 11 135 digər texnika növləri lizinq şərti ilə verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
