Bakı. Vüsal Nəbiyev – APA-Economics. “Heydər Əliyev prospektinin Böyükşor qovşağından Heydər Əliyev mərkəzinin qarşısına qədər olan hissəsində asfalt-beton işləri tamamilə yekunlaşıb”.
Bunu “APA-Economics”ə açıqlamasında Nəqliyyat Nazirliyi “Azəyolservis” ASC-nin mətbuat katibliyinin rəisi Pünhan Mürsəliyev bildirib.
P.Mürsəliyevin sözlərinə görə, qeyd olun yolun hərəkət hissəsinin üfüqi nişanlanması işləri də yerinə yetirilib.
“Heydər Əliyev mərkəzinin qarşısından Böyükşor qovşağına qədər, (gediş hissəsi – red.) şəhərdən Böyükşor qovşağı istiqamətinə olan hissədə təmir işlərinə başlanılıb. Hal-hazırda Bağırov körpüsünün ətrafında yeni yağış kanalizasiya sisteminin quraşdırılması və yeni yağış barmaqlıqlarının qoyulması işləri, ayrıcı zolaqda tamet daşlarının düzülməsi, yolun frezlənməsi işləri həyata keçirilir”, - deyə qurum rəsmisi bildirib.
P.Mürsəliyev əlavə edib ki, təxminən 2 km məsafədə yolun frez mexanizmi vasitəsilə köhnə asfalt-beton örtüyü qaşınıb və sabahdan etibarən yeni asfalt-beton örtüyünün döşənilməsi işlərinə başlanılacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
