Bakı-APA. Hindistan-Pakistan sərhədində baş vermiş atışma nəticəsində azı 4 hərbçi həlak olub, 23 nəfər yaralanıb.
APA-nın RİA Novosti agentliyinə istinadən verdiyi xəbərə görə, insident Cammu və Kəşmir ştatındakı nəzarət zolağında baş verib.
İnsident nəticəsində Hindistan ərazisində 3 dinc sakin ölüb, 20 nəfər yaralanıb. Pakistan tərəfi 1 mülki şəxsin öldüyünü, 3 nəfərin xəsarət aldığını bildirir.
Tərəflər atəşkəsin pozulmasında bir-birilərini ittiham edirlər.
Qeyd edək ki, Hindistan-Pakistan sərhədində toqquşmaların sayı artmaqdadır.