Bakı - APA-Economics. Martın 13-də Bakı Fond Birjasında (BFB) "AccessBank" və “Embawood” (ən iri mebel istehsalçısı) şirkətinin faizli, təmin edilməmiş sənədsiz, adlı istiqrazları ilə repo əməliyyatları başlayıb.
BFB-dən “APA-Economics”ə verilən məlumata görə, istiqrazlar üzrə təminat həcmi 40% təşkil edir.
Məlumata əsasən, investisiya qiymətli kağızları ilə birja üzvləri arasında repo əməliyyatlarının həyata keçirilməsinə 25 fevral 2014-cü il tarixində start verilib.
“Embawood” 2014-cü il avqustun 22-də 10 mln. manat məbləğində, “AccessBank” 2014-cü il dekabrın 29-da 12 mln. manat məbləğində istiqrazın yerləşdirilməsinə başlayıb.
Yerləşdirmənin anderrayteri “PAŞA Capital” MMC-dir.