Tiflis. Niami Məmmədzadə-APA. Gürcüstanın iqtisadiyyat və sabit inkişaf naziri Dmitri Kumsişvili və Türkiyənin Gürcüstandakı səfiri Ləvənt Gümrükçü arasında görüş olub. APA-nın Gürcüstan bürosunun məlumatına görə, görüşdə iki ölkə arasında ticarət və iqtisadi əlaqələrin və əməkdaşlığın genişləndirilməsi perspektivləri müzakirə edilib. Tədbirdə Türkiyənin Gürcüstanın əsas ticarət tərəfdaşı olduğu vurğulanıb, həmçinin ticarət sahəsində əməkdaşlıq üçün böyük potensialın olduğu qeyd edilib və ixracatın artdığı bildirilib.
Gürcüstan tərəfi investisiya sahəsində Türkiyə tərəfi ilə əməkdaşlığı genişləndirmək üçün maraqlı olduğunu bildirib.
Tərəflər turizm, nəqliyyat və rabitə sektorlarında əməkdaşlıq məsələlərini də müzakirə ediblər.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
