Azərbaycan Ordusu “Buk-MB”-dən atışlar həyata keçirib - FOTOSESSİYA - VİDEO

Azərbaycan Ordusu “Buk-MB”-dən atışlar həyata keçirib - <span style="color: red;">FOTOSESSİYA  - <span style="color: red;">VİDEO
# 30 sentyabr 2015 15:30 (UTC +04:00)

Bakı. Hafiz Heydərov - APA. Мüdafiə naziri general-polkovnik Zakir Həsənovun rəhbərliyi ilə Hərbi Hava Qüvvələri hava hücumundan müdafiə qoşunlarının silahlanmasına daxil olunan növbəti “Buk-MB” zenit-raket divizionunun komplekslərindən döyüş-sınaq atışları icra edilib.

Müdafiə Nazirliyinin mətbuat xidmətindən APA-ya verilən məlumata görə, atışlarda Baş nazirinin birinci müavini Yaqub Eyyubov da iştirak edib.

Mütəxəssislər tərəfindən zenit-raket kompleksinin döyüş düzülüşü, tərkibi, təyinatı, taktiki-texniki xüsusiyyətləri, məhv etmə zonası, digər parametrləri, eləcə də döyüş atışlarının keçirilməsinə ayrılmış güc və vasitələr, şəxsi heyət barədə məlumat verilib.

Sonra praktiki atışlar yerinə yetirilib. Şərti düşmənin intensiv radioelektron və atəş təsiri şəraitində balistik raketləri, alçaqdan uçan və aerodinamik hədəfləri imitasiya edən “Saman” tipli hədəflərin aşkarlanması, avtomatik izlənməyə götürülməsi, qərar qəbul edilməsi, onlara qarşı atəş açılması və idarə olunan zenit raketləri ilə hədəfin məhv edilməsi tapşırıqları həyata keçirilib.

Müdafiə naziri tərəfindən verilən tapşırıqlar hava hücumundan müdafiə qoşunları tərəfindən uğurla icra olunub və döyüş atışlarının nəticələri yüksək qiymətləndirilib.

#
#

ƏMƏLİYYAT İCRA OLUNUR