Bakı. Aqşin Rafiqoğlu - APA-Economics. Bu ilin fevral ayı ərzində Azərbaycan Dövlət Neft Şirkəti (SOCAR) (Müştərək Müəssisələr və Əməliyyat Şirkətləri istisna olmaqla) 6 990 metr qazma işi həyata keçirib.
“APA-Economics”in SOCAR-a istinadən verdiyi məlumata görə, bu, 2014-cü ilin fevral ayına nisbətən 4 320 metr və ya 38,2% azdır.
Bu sahədə görülmüş işlərin 6 647 metri istismara, 343 metri isə kəşfiyyata aid olub.
Ümumiyyətlə, bu ilin yanvar-fevral aylarında SOCAR üzrə (Müştərək Müəssisələr və Əməliyyat Şirkətləri istisna olmaqla) 14 155 metr qazma işi görülüb ki, bu da ötən ilin iki ayı ilə müqayisədə 7 647 metr və ya 35,1% azdır.
Bunun da 13 555 metri istismara, 600 metri isə kəşfiyyata aid olub.
Qeyd edək ki, ilin əvvəlindən qazmadan alınmış 8 yeni quyu tikinti ilə başa çatdırılaraq mədənçilərə təhvil verilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
