Bakı. Aqşin Rafiqoğlu - APA-Economics. Bu ilin may ayında SOCAR tərəfindən 639 min ton neft hasil edilib.
"APA-Economics" SOCAR-ın açıqladığı statistik göstəricilərə istinadən xəbər verir ki, bu, 2015-ci ilin may ayı ilə müqayisədə 9,55% azdır. Bu ilin aprel ayı ilə müqayisədə isə SOCAR neft hasilatını 2,32% azaldıb.
Bu ilin yanvar-may aylarında isə SOCAR tərəfindən 3 mln. 161,7 min ton neft hasil edilib ki, bu da 2015-ci ilin yanvar-may ayları ilə müqayisədə 8,68% azdır.
Qeyd edək ki, bu ilin yanvar ayında SOCAR tərəfindən 647 min ton, fevral ayında 605 min ton, mart ayında isə 646,2 min ton, aprel ayında isə 624,5 min ton neft hasil edilib.
Bu ilin may ayı ərzində ölkə üzrə 3 mln. 567,2 min ton neft hasil edilib ki, bu da daha əvvəlki ilin eyni ayı ilə müqayisədə 4,11% çoxdur. Bu ilin aprel ayı ilə müqayisədə isə bu rəqəm 2,81% çoxdur.
Bu ilin yanvar-may aylarında Azərbaycanda ümumilikdə 17 mln. 544,2 min ton neft hasil edilib ki, bu da 2015-ci ilin yanvar-may ayları ilə müqayisədə 0,65% azdır.
Qeyd edək ki, bu ilin yanvar ayında ölkə üzrə 3 mln. 518,2 min ton, fevralda 3 mln. 339,3 min ton, mart ayında 3 mln. 649,7 min ton, apreldə isə 3 mln. 469,8 min ton neft hasil edilib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
