APA-nın Qarabağ bürosunun məlumatın görə, Bərdə rayon polisi qəza törətdikdən sonra qaçan sürücünü axtarır. Hadisə yerinə gələn FHN-nin Qarabağ Regional İdarəsinin xilasetmə qrupu maşını kanaldan çıxardıb. Bərdə rayon Dövlət Yol Polis idarəsinin əməkdaşları isə avtomobili cərimə meydançasına aparıb.
APA-nın Qarabağ müxbirinin hadisə şahidlərindən əldə etdiyi məlumata görə, kanala düşən maşından 4 nəfər çıxıb. Sürücü və sərnişinlərdən biri hadisə yerindən uzaqlaşıb. Hadisə yerinə gələn yerli sakinlər, ağır vəziyyətdə olan digər sərnişinlər Hafiz Abdullayev və Emil İsmayılovu Bərdə Mərkəzi rayon Xəstəxanasına çatdırıblar.
***
22:25
Bərdə. Ziya Əmirxanlı – APA. Bərdənin Həsənqaya kəndində "Niva" markalı avtomobil kanala düşdüyü an içərisində 1 sürücü və 3 sərnişin olub.
APA-nın Qarabağ bürosunun məlumatına görə, onlardan ikisi artıq xəstəxanaya yerləşdirilib.
1974 cu il təvəllüdlü Bərdə rayon Qarağacı kənd sakini Abdullayev Hafiz Fəzail oğlu və Yevlax şəhər sakini 1993-cü il təvəllüdlü İsmayılov Emil Məhərrəm oğlu Bərdə Mərkəzi Rayon xəstəxanasına yerləşdirilib.
Xəstəxanadan APA-ya bildirilib ki, xəstələrin vəziyyəti orta ağır qiymətləndirilir.
***
21:41
APA-nın Qarabağ bürosunun məlumatına görə, FHN-nin qüvvələri hadisə yerinə cəlb olunub.
Avtomobilin salonunda 3 nəfər olub.
İlkin ehtimala görə, avtomobildəkilər yaxınlıqdakı kafedən çıxıblarmış və sürücü sərxoş olub. Hadisənin təfərrüatları müəyyənləşdirilir.