Bakı. Aqşin Rafiqoğlu - APA-Economics. Bu ilin mart ayı ərzində Bakı-Tbilisi-Ceyhan (BTC) əsas ixrac boru kəməri vasitəsilə 2 521 925 ton Azərbaycan nefti nəql olunub.
“APA-Economics”in Azərbaycan Dövlət Neft Şirkətinə (SOCAR) istinadən verdiyi məlumata görə, bu, ötən ilin mart ayı ilə müqayisədə 5,7% çoxdur.
Bu ilin yanvar-mart aylarında bu kəmərlə 7 222 202 ton neft ötürülüb. Ümumiyyətlə, kəmər istifadəyə verilən gündən bu il aprel ayının 1-ə qədər BTC-yə 271 062 048 ton neft vurulub.
Bundan başqa, bu ilin mart ayında BTC kəməri ilə 374 500 ton Qazaxıstan və 300 333 ton Türkmənistan nefti nəql olunub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
