ABŞ BMT-nin büdcəsinə ödənişləri azaldacaq.
APA-nın “AP” agentliyinə istinadən verdiyi xəbərə görə, bunu ABŞ-ın BMT-dəki daimi nümayəndəsi Nikki Heyli bəyan edib.
“Sülhməramlılıq ümumi məsuliyyətdir. Hamımız öz töhfəmizi verməli və hər kəs daha çox səy göstərməlidir”, deyə N.Heyli qeyd edib.
Hazırda ABŞ BMT-nin əsas maliyyə mənbəyidir və 2018-ci ildə büdcənin 28,5% təmin edib. N.Heyli bildirib ki, ABŞ qanunlarına görə Vaşinqton BMT-nin büdcəsinə 25%-dən az ödəyə bilər. Ödənişlərin həcminə görə ikinci yerdə Çindir - 10%.
Qeyd edək ki, BMT Baş Assambleyası ümumdünya təşkilatının 2018-2019-cu illər üçün büdcəsini ötən ilin sonunda təsdiq edib. Budcə 5,39 milyard dollar təşkil edib, bu göstərici əvvəlki iki illik büdcə ilə müqayisədə 166 milyon dollar azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
