Masallının Qızılavar kəndində vurulan piyadalardan biri ölüb.
APA-nın cənub bürosunun məlumatına görə, həkimlərin səylərinə baxmayaraq Ərkivan kənd sakini, 1979-cu il təvəllüdlü Bədəlov Rüfət Həmdulla oğlu xəstəxanada keçinib.
Qeyd edək ki, ötən axşam Masallının Qızılavar kəndində “Ford” markalı yük avtomobili 3 nəfəri vurub.
Faktla bağlı araşdırma aparılır.
***
00:25
Masallının Qızılavar kəndində vurulan piyadaların kimliyi məlum olub.
APA-nın cənub bürosunun məlumatına görə, bunlar Ərkivan kənd sakinləri, 1979-cu il təvəllüdlü Bədəlov Rüfət Həmdulla oğlu, 1981-ci il təvəllüdlü Həsənov Yunus Eldar oğlu və 1984-cü il təvəllüdlü Tohid Tofiq oğlu İbrahimovdur.
Məlumata görə, Bədəlov Rüfətin vəziyyəti ağır kimi qiymətləndirilir.
Qeyd edək ki, ötən axşam Masallının Qızılavar kəndində “Ford” markalı yük avtomobili 3 nəfəri vuraraq dirəyə çırpılıb. Zərərçəkənlər dərhal Masallı rayon Mərkəzi Xəstəxanasına çatdırıblar.
***
23:05
Masallıda yol-nəqliyyat hadisəsi baş verib.
APA-nın cənub bürosunun məlumatına görə, insident Qızılavar kəndində qeydə alınıb.
“Ford” markalı yük avtomobili 3 nəfəri vurub. Zərərçəkənlər dərhal Masallı rayon Mərkəzi Xəstəxanasına çatdırıblar. Onların şəxsiyyətləri müəyyənləşdirilir.
Faktla bağlı araşdırma aparılır.